digwyddiadau a Chyfleoedd
Cyfleoedd DAC
Featured
Cyfleoedd Celfyddydau
Featured
Dewch i sesiwn galw heibio i ddarganfod mwy am Ailddyfeisio'r Prif Gymeriad - cwrs digidol rhad ac am ddim i awduron Byddar a/neu Anabl a/neu Niwroamrywiol sy'n byw yng Nghymru!
Dydd Mawrth 6 Awst, 1.00 yp - 2.00 yp
Mae Ailddyfeisio’r Prif Gymeriad yn gwrs digidol rhad ac am ddim ar gyfer awduron Byddar a/neu Anabl a/neu Niwroamrywiol sydd yn byw yng Nghymru. Trefnir y cwrs gan Llenyddiaeth Cymru mewn partneriaeth â Chelfyddydau Anabledd Cymru. Mae’r cwrs yn gyfres o 5 gweithdy digidol a sesiynau un-i-un, dan arweiniad y dramodydd a’r awdur o fri rhyngwladol Kaite O’Reilly.
Yn dechrau heddiw! 11 digwyddiad byw ar-lein a arweinir gan rai o Artistiaid RestFest 2024 + aelodau eraill o’r gymuned celfyddydau anabledd.
Gŵyl yng Nghaerdydd dan arweiniad pobl fyddar yw Deaf Gathering Cymru, wedi’i chreu gan Ganolfan Gelfyddydau Chapter a’r artistiaid ac ymgynghorwyr creadigol byddar Jonny Cotsen a Heather Williams. Fe’i cynhelir 5-8 Medi 2024, ac mae’r dathliad pedwar diwrnod ar agor i bawb, ac yn adeiladu ar lwyddiant gŵyl Byddar gyda’n Gilydd y llynedd, gan gynnig rhaglen ddeinamig o ddiwylliant a sgyrsiau gyda safbwyntiau byddar yn ganolog iddi.
Delwedd: Abi Palmer, delwedd o Ffilm Slime Mother 2024
Bydd Emily Rose ac Alex Miller o Our Visual World yn arwain dwy daith Iaith Arwyddion Prydain o gwmpas ein harddangosfa gelf ac yn mynd â chi i fyd llawn llysnafedd! Byddwch yn gadael gyda pharch newydd at wlithod a llysnafedd.
Ffotograff: Jasmine Violet
Mae Canolfan y Celfyddydau Aberystwyth yn edrych am 6 ymarferydd creadigol o liw i ymuno â ni ar raglen fentora 6-mis: Lluosogrwydd.
Dyddiad Cau: 30 Awst 2024
Cyfle i artist gosodwaith neu berson creadigol sy’n uniaethu o’r profiad byw o anabledd gan gynnwys pobl greadigol Fyddar a niwrowahanol, i gynhyrchu ac animeiddio pabell dawel ar gyfer Gŵyl Garrog eleni. Mae pabell ar gael a bydd yn cael ei chodi.
Rhaglen wyth diwrnod yw Cyfoedion Peak 2024, sy’n gwahodd pobl ifanc i archwilio themâu tir, perthyn, ymgyrchu, a chreadigrwydd, ac sydd wedi’i gwreiddio yn y Mynyddoedd Duon a’r Gororau. Mae’r rhaglen yn cael ei chynnal yn ystod mis Medi, mis Hydref a mis Tachwedd 2024, ac mae’n cynnwys gweithdai creadigol, sgyrsiau a mynd am dro gydag artistiaid ac ymgyrchwyr.
Galw ar artistiaid o liw yng Nghymru, pob genre!
Mae Tŷ Cerdd, Black Lives in Music, TÂN Cerdd a Chapter yn gwahodd cynigion perfformiad ar gyfer SHOWCASE i arddangos doniau cerddorol artistiaid Du, Asiaidd ac Aml-Ethnig yng Nghymru, ddydd Mawrth 15 Hydref yn Chapter, Caerdydd
Mae Theatr y Sherman yn chwilio am unigolyn deinamig gyda ffocws ar y cwsmer i lenwi swydd barhaol, llawn amser o fewn tîm y Swyddfa Docynnau.